ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

តាមការសន្និដ្ឋានដំបូង អ្នកដែលក្លែងបន្លំតេឡេក្រាមនាយករដ្ឋមន្ត្រីមានមូលដ្ឋាននៅបរទេសគឺជាជនបោកប្រាស់តាមអ៉ិនធើណិត

  • ចុះផ្សាយថ្ងៃទី១៣ ខែសីហា ឆ្នាំ២០២២ ម៉ោង ០៨:៤៨ នាទី ដោយ Hun Sirivadh
  • 2603
  Aa |   aA

ភ្នំពេញ៖ ជំនួយការនាយករដ្ឋមន្ត្រី និងជារដ្ឋលេខាធិការទីស្ដីការគណៈរដ្ឋមន្ត្រី លោក ដួង តារា បានធ្វើការពិនិត្យទៅលើអ្នកដែលក្លែងបន្លំតេឡេក្រាមរបស់សម្ដេចតេជោនាយករដ្ឋមន្ត្រីនិងបានសន្និដ្ឋានថាគឺជាជនបរទេសដែលមានមូលដ្ឋាននៅស្រុកក្រៅ។ លោកថា គោលបំណងនៃការក្លែងបន្លំនេះគឺអាចទាក់ទងជាមួយនឹងការបោកប្រាស់មនុស្សតាមប្រព័ន្ធតេលេក្រាម។ 

លោក ដួង តារា បានជម្រាបជូនសម្ដេចតេជោ ហ៊ុន សែន នៅរសៀលថ្ងៃទី១២ ខែសីហា ឆ្នាំ២០២២នេះថា ជនដែលបានក្លែងបន្លំគឺបាន Hack យកអាខោនដែលមាន profile​ @hunsen24 ពីអ្នកក្នុងស្រុកខ្មែរ។ លោកបន្ថែមថាជននេះអាចគិតថាម្ចាស់​ profile នោះ​ (HUN SEN ) ជាអ្នកមានទ្រព្យធូរធារ​ ទេីបយក​ profile នោះមក​ Scam ដេីម្បីបោកមនុស្សទូទៅអោយលេង​ buy stock ប៉ុន្តែមិនទាក់ទាញផ្នែកនយោបាយឡេីយ។ Account នេះលាក់ (​hiden) មិនអោយដឹងលេខទូរស័ព្ទ។ មនុស្សអាក្រក់ៗអាចនឹងបង្កេីត​ fake account ដូចនេះច្រេីនដែលបង្ករការរំខាន។ 

ក្រោយពីលោក ឌួង តារា បានទាក់ទងសាកសួរជនដែលក្លែងបន្លំនេះបានផ្លាស់ប្ដូរឈ្មោះតេឡេក្រាមរបស់ខ្លួនទៅជា Kluth Phearith និងបានដូររូបភាពផងដែរ។

លោក ឌួង តារា បញ្ជាក់ថា៖ «បាទសម្តេច​ account telegram. HUN SEN / @hunsen24 បានលុបចេញ​ ដូរឈ្មោះថ្មីហេីយ​ ដោយសារខ្ញុំបាទប្រាប់វាថា​ ខ្ញុំបាទមិនជឿទេ​ ។ វាខំល្បួងខ្ញុំបាទអោយទិញ​ វិនិយោគ​ Stock តាមរយៈវាថាបានចំណេញច្រេីន។ ខ្ញុំបាទប្រាប់ថា​ ខ្ញុំស្គាល់នាយករដ្ឋមន្រ្តីខ្មែរច្បាស់ណាស់​ គាត់មិនធ្វេីដូច្នេះទេ។ ខ្ញុំបាទប្រាប់វាអោយបង្ហាញរូបពិតខ្ញុំបាទនឹងទិញ​ $200…ហេីយបន្ទាប់មកខ្ញុំបាទក៏ឈប់ឆ្លេីយសារវា… ប៉ុន្មានម៉ោងមកវាក៏ផ្ញេីសារមកខ្ញុំបាទឈ្មោះថ្មី​ Kluth Phearith មានទាំងអាជ្ញាប័ណ្ណវិនិយោគថាពិតប្រាកដទៀតផង»។ 

លោកបានបញ្ជាក់ប្រាប់សម្ដេចតេជោថា ពួកនេះជា​ hacker ដេីរ​ scam ពលរដ្ឋយកលុយ.. ជាពិសេសអ្នកដែលលោភចង់បានលុយច្រេីនភ្លាមៗតាមរយៈវិនិយោគតិច​ បានចំណេញច្រេីនតាម​ online. ទោះបីមិនដឹងថាមុខមាត់អ្នកណែនាំដូចម៉្តេចក៏ចេះតែជឿតាមគេ។

កាលពីព្រឹកថ្ងៃទី១២ ខែសីហានេះ សម្ដេចតេជោ ហ៊ុន សែន បានព្រមានអនុវត្តច្បាប់លើអ្នកដែលក្លែងគណនីតេឡេក្រាមដែលដាក់ឈ្មោះថា HUN SEN 24 និងបញ្ជាឱ្យម្ចាស់គណនីនេះឲ្យលុបចេញជាបន្ទាន់។

សម្ដេចតេជោ ហ៊ុន សែន បានបង្ហោះលើហ្វេសបុកផេករបស់សម្ដេចថា៖ «មានជនខិលខូចបាននិងកំពុងក្លែងតេឡេក្រាម (telegram) របស់ខ្ញុំដោយយករូបថតខ្ញុំនិងភរិយានិងដាក់ឈ្មោះ @HUN SEN 24 ដូចមានភ្ជាប់ជាមួយ។ សូមបងប្អូនប្រុងប្រយ័ត្នកុំចាញ់បោកជនអាក្រក់នេះនិងសូមលោកអ្នកដែលក្លែងឈ្មោះខ្ញុំលុបចោលជាបន្ទាន់បើពុំនោះទេនឹងទទួលខុសត្រូវចំពោះមុខច្បាប់»។

គួរឱ្យដឹងថា បច្ចុប្បន្នសម្ដេចតេជោមាន Channel Telegram ផ្លូវការតែមួយប៉ុណ្ណោះដែលមានឈ្មោះ Prime Minister Hun Sen។

ក្រៅពីតេឡេក្រាមផ្លុវការសម្ដេចក៏មានបណ្ដាញសង្គមចំនួន២ ជាផ្លូវការផងដែរដែលមាន Facebook Page សម្រាប់បង្ហោះនូវកិច្ចការងាររបស់សម្ដេច និងInstagram ដែលសម្រាប់បង្ហោះពីសកម្មភាពផ្ទាល់ខ្លួនរបស់សម្ដេចនិងក្រុមគ្រួសារ។ 

កាលពីពេលថ្មីៗនេះកូនប្រុសរបស់សម្ដេចតេជោគឺលោក ហ៊ុន ម៉ានី ក៏ត្រូវបានពួកបោកប្រាស់នេះប្រើប្រាស់រូបភាពនិងឈ្មោះនៅក្នុងបណ្ដាញតេឡេក្រាមផងដែរ៕ 


ព័ត៌មានជាច្រើនទៀតសម្រាប់អ្នក